Ռուսաստանն Ուկրաինային հատկացրել է 750 միլիոն դոլարի վարկ և զեղչված գնով գազ. Պուտին
Ռուսական Интерфакс լրատվական գործակալության փոխանցմամբ՝ 10 օր առաջ ռուսական բանկերը Կիևին հատկացրել է 750 միլիոն դոլարի վարկ, իսկ «Գազպրոմը» Ուկրաինայի ստորգետնյա գազմաբարներին գազ է մատակարարել հազար խորանարդ մետրը 260 դոլար գնով:
Այս մասին հայտարարել է Ռուսաստանի նախագահ Վլադիմիր Պուտինը: Վերջինիս խոսքերով՝ ներկայումս Կիևը 1000 խորանարդ մետր գազը գնում է 380-390 դոլարով (Ուկրաինայի էներգետիկայի նախարարությունը հայտնել է, որ չորրորդ եռամսյակում ռուսական գազի գինը կազմում է 410 դոլար):
Պուտինն ընդգծել է, որ իրենք օգնում են իրենց ուկրաինացի գործընկերներին, իրենց բարեկամներին և համագործակցում են նրանց հետ: Նա ընդգծել է, որ վարկն ու զեղչերը Կիևին հատկացվել է ռուսական ղեկավարության իմացությամբ: Պուտինը, սակայն, չի հայտնել, թե զեղչված գնով որչափ գազ է մատակարարվել Ուկրաինային:
Հիշեցնենք, որ Ուկրաինան պատրաստվում է նոյեմբերի վերջին Վիլնյուսում կայանալիք «Արևելյան գործընկերության» գագաթաժողովում ԵՄ-ի հետ ստորագրել Ասոցացման համաձայնագիրը:
