Ստեփան Սաֆարյանը չի մեկնաբանելու իր կուսակից Զարուհի Փոստանջյանի հարցը
«Ես Զարուհի Փոստանջյանի հարցը չեմ մեկնաբանելու, դա իր հարցն է` իր պատասխանատվությամբ, իր մեկնաբանությամբ, հետևաբար` թող ինքը հիմնավորի` արժեր, թե չարժեր»,- 168.am-ի հետ զրույցում ասաց «Ժառանգություն» կուսակցության անդամ Ստեփան Սաֆարյանը՝ պատասխանելով մեր հարցին` ի վերջո, արժե՞ր եվրոպական հարթակում նման հարց ուղղել Սերժ Սարգսյանին:
Ինչ վերաբերում է համացանցում որոշ մարդկանց կողմից հրապարակված այն կոչերին, թե Զարուհի Փոստանջյանին անհրաժեշտ է «ձվերով» դիմավորել օդանավակայանում, այս մասին Ստեփան Սաֆարյանը նշեց. «Ես էլի չեմ հասկանում Հանրապետական կուսակցությանը. եթե գտնում են, որ զրպարտել է, ապա ոչ թե օդանավակայան պետք է գնան, այլ դատարան և ուղղակի ասեն, որ Զարուհին իրենց զրպարտել է: Ոչ թե պիտի գնան օդանավակայան, այլ դատարան` առանց ձվերի»:
