Հանցավորությունը շարունակում է աճել
Այս տարվա հունվար-օգոստոս ամիսներին Հայաստանի Հանրապետությունում գրանցվել է 11 173 հանցագործություն։ Նախորդ տարվա նույն ժամանակահատվածի համեմատ հանցագործությունների թիվն աճել է 1062-ով կամ 10.5 տոկոսով։ Այս մասին տեղեկացնում է ՀՀ Ազգային վիճակագրական ծառայությունը՝ ՀՀ ոստիկանության ամփոփ տեղեկատվության հիման վրա։
Մեծ տեսակարար կշիռ են կազմում սեփականության դեմ ուղղված հանցագորությունները՝ 4118 դեպք՝ նախորդ տարվա 3425-ի դիմաց։ Այդ թվում՝ նշված ժամանակահատվածում գրանցվել է գողության 2946 և կողոպուտի 141 դեպք։
Հանցագործությունների թվով առաջին տեղում Երևանն է։ Այս տարվա հունվար-օգոստոսին մայրաքաղաքում տեղի է ունեցել 5899 հանցագործություն։
