Անհրաժեշտ է ակտիվացնել ԵԱՀԿ Մինսկի խմբի գործունեությունը. Սաֆար Աբիև
Ադրբեջանական APA լրատվական գործակալության փոխանցմամբ՝ Ադրբեջանի պաշտպանության նախարար Սաֆար Աբիևն այսօր ընդունել է Ադրբեջանում Հունաստանի նորանշանակ դեսպան Դիմիտրիոս Ցոունգասին:
Հանդիպման ժամանակ Աբիևը կարևորել է Հունաստանի ու Ադրբեջանի միջև հարաբերությունների զարգացումը: Անդրադառնալով Ղարաբաղյան հակամարտության կարգավորման խնդրին՝ Աբիևը հայտարարել է, որ անհրաժեշտ է բանակցությունների միջոցով ակտիվացնել եվրոպական առաջատար երկրների և մասնավորապես ԵԱՀԿ Մինսկի խմբի գործունեությունը:
Ըստ Աբիևի՝ հակառակ դեպքում տարածաշրջանում կարող են առաջանալ լուրջ խնդիրներ, քանի որ պատերազմը դեռ ավարտված չէ:
