2011 թվականի վերջից Լիբիայի բանտերում կտտանքների հետևանքով գրանցվել է մահվան 27 դեպք
Ռուսական Интерфакс լրատվական գործակալության փոխանցմամբ՝ ՄԱԿ-ի հետաքննողները պարզել են, որ 2011 թականի վերջից Լիբիայի բանտերում կիրառվել են կտտանքներ, ինչի հետևանքով գրանցվել է մահվան 27 դեպք:
Այս մասին հայտարարել է Լիբիայում ՄԱԿ-ի առաքելության ներկայացուցիչը: Վերջինիս խոսքերով՝ առավել հաճախ կտտանքները կիրառվում են կալանավորումից հետո՝ հարցաքննության առաջին օրերին՝ տեղեկատվություն ստանալու և մեղքի ընդունմանը հասնելու համար:
ՄԱԿ-ի՝ մարդու իրավունքների գծով գերագույն հանձնակատարի վարչությունն ընդգծել է, որ 2011 թվականին Լիբիայում քաղաքացիական պատերազմի ավարտից ի վեր՝ մոտ 8000 մարդ բանտում պահվում է առանց անհրաժեշտ իրավական ընթացակարգերի:
