Ստամբուլում ջուրն իջեցվել է թուրքական արտադրության երկրորդ կորվետը (տեսանյութ)
Թուրքական Anadolu լրատվական գործակալության փոխանցմամբ` երեկ Ստամբուլում ջուրն իջեցվել է Büyükada կորվետը: Այն հանդիսանում է MILGEM (Ազգային նավ) նախագծի շրջանակներում արտադրված երկրորդ ռազմանավը: Երկու տարի առաջ այս օրը ջուրն էր իջեցվել MILGEM-ի շրջանակներում արտադրված առաջին կորվետը` Heybeliada կորվետը:
Büyükada կորվետը շահագործման հանձնելու հանդիսավոր արարողությանը մասնակցել են Թուրքիայի վարչապետ Ռեջեփ Էրդողանը, Թուրքիայի Ազգային մեծ ժողովի (ԹԱՄԺ) նախագահ Ջեմիլ Չիչեքը, Թուրքիայի զինված ուժերի Գլխավոր շտաբի պետ, բանակի գեներալ Նեջդեթ Օզելը, Պաշտպանության նախարար Իսմեթ Յըլմազը, Տրանսպորտի, կապի ու նավագնացության նախարար Բինալի Յըլդըրըմը: Էրդողանն ու Չիչեքը նաև զբոսնել են ռազմանավի վրա:
