ՀՀՇ վերածնունդը՝ հոկտեմբերի 26-ին
Հայոց Համազգային Շարժում կուսակցության հիմնադիր համագումարը տեղի կունենա հոկտեմբերի 26-ին՝ Երևանի «Կոնգրես» հյուրանոցում: Այդ մասին 168.am-ին տեղեկացրեցին ՀՀՇ համագումարի նախաձեռնող խմբից:
Հիշեցնենք, որ այն բանից հետո, երբ հայտնի դարձավ, որ ՀՀՇ-ն վերանվանվում է ՀԱԿ կուսակցության, այս տարվա մայիսին ՀՀՇ վարչության նախկին նախագահներ Արարատ Զուրաբյանը, Ալեքսանդր Արզումանյանը, վարչության նախկին անդամներ Հովհաննես Իգիթյանն ու Կարապետ Ռուբինյանը հայտարարեցին ՀՀՇ-ն վերագրանցելու մասին: Սկզբնապես հայտարարվել էր, որ ՀՀՇ-ի հիմնադիր համագումարը տեղի է ունենալու սեպտեմբերին, սակայն տեխնիկական պատճառներով այն հետաձգվել էր:
