Առաջիկա 5 տարում Թուրքիայում կառուցվելու է 207 նոր բանտ
Թուրքական Anadolu լրատվական գործակալության փոխանցմամբ՝ Թուրքիայի արդարադատության նախարար Սադուլլահ Էրգինը հայտարարել է առաջիկա հինգ տարում երկրի տարածքում 207 նոր բանտեր կառուցելու պլանի մասին:
Էրգինը հավելել է, որ դրանցից 75-ը գտնվում են կառուցման փուլում, 53-ը՝ նախագծման փուլում, 50-ը՝ պլանավորման փուլում, իսկ 29-ը՝ հայտ ստանալու փուլում: Թուրքիայի քրեակատարողական համակարգի հնարավորություններն ապահովում են 147.304 բանտարկյալի ներկայություն: Նախարարության տվյալներով՝ ներկայումս Թուրքիայի բանտերում պահվում է 131.649 դատապարտյալ:
