Սիրիայի կենտրոնական հատվածում ավտոբուսը պայթել է ականի վրա. կա 19 զոհ
Ամերիկյան Associated Press լրատվական գործակալության փոխանցմամբ՝ Սիրիայի կենտրոնական հատվածում ավտոբուսը հայտնվել է ականի վրա և պայթել: Պայթյունի հետևանքով զոհվել է 19 մարդ:
Այս մասին հայտարարել է Սիրիայի իշխանությունների ներկայացուցիչը: Հոմս նահանգի կառավարական գրասենյակի ներկայացուցչի հաղորդմամբ՝ միջադեպը գրանցվել է Jbourin գյուղի մոտ: Կա նաև 4 վիրավոր: Միջադեպի մանրամասները պարզվում են:
