Եռօրյա այցով Վրաստան է ժամանել ԵԱՀԿ ԽՎ-ի նախագահը

Грузия Online-ի փոխանցմամբ՝ եռօրյա այցով Վրաստան է ժամանել ԵԱՀԿ ԽՎ-ի նախագահ, Մոնտենեգրոյի խորհրդարանի նախագահ Ռանկո Կրիվոկապիչը: Վերջինս բարձր մակարդակի հանդիպումներ է ունենալու Վրաստանի օրենսդիր ու գործադիր իշխանությունների ներկայացուցիչների հետ:

Մասնավորապես, պլանավորված է, որ նա հանդիպելու է Վրաստանի խորհրդարանի նախագահ Դավիթ Ուսուպաշվիլիի հետ, ինչի ավարտից հետո տրվելու է համատեղ ճեպազրույց վրացական ու օտար ԶԼՄ-ների համար:

Պլանավորված է նաև, որ Կրիվոկապիչը հանդիպելու է ԵԱՀԿ ԽՎ-ում Վրաստանի խորհրդարանական մշտական պատվիրակության անդամների, Վրաստանի խորհրդարանական մեծամասնության ու փոքրամասնության ներկայացուցիչների հետ: