Ակտիվիստ Դմիտրի Հարությունյանն ազատ է արձակվել
Նախախորհրդարանի անդամ, քաղաքացիական ակտիվիստ Դմիտրի Հարությունյանն ազատ է արձակվել: Այս տեղեկությունը 168.am-ի հետ զրույցում հաստատեց Նախախորհրդարան շարժման համակարգող Գարեգին Չուգասզյանը:
Հիշեցնենք, որ սեպտեմբերի 3-ին Արաբկիր և Քանաքեռ –Զեյթուն համայնքների ընդհանուր իրավասության դատարանի դատավոր Լյովա Խաչատրյանը ընդունել էր որոշում` քաղաքացիական ակտիվիստ, Նախախորհրդարանի անդամ Դմիտրի Հարությունյանի նկատմամբ խափանման միջոցը որպես կալանք կիրառելու վերաբերյալ: Ակտիվիստին մեղադրանք էր առաջադրվել ՀՀ Քրեական օրենսգրքի 316 հոդվածի 1-ին մասով՝ ոստիկանի նկատմամբ բռնություն գործադրելը: Դմիտրի Հարությունյանը բերման էր ենթարկվել օգոստոսի 31-ին` Կոմիտաս 5 հասցեում կատարվող շինարարության դեմ բողոքի ակցիայի ժամանակ:
