Հրամանատարը մեղադրվում է զորամասից վառելանյութ հափշտակելու մեջ
Արագածոտնի մարզի ընդհանուր իրավասության դատարանի նախագահ Սուրեն Մնոյանը վարույթ է ընդունել հրամանատարի կողմից զորամասին պատկանող ավտոմեքենայի վառելանյութը հափշտակելու գործը:
Նախաքննական մարմինը պարզել է, որ ՀՀ ՊՆ N զորամասի դասակի հրամանատար Արամայիս Ստեփանյանը տարբեր ժամանակահատվածներում զորամասին պատկանող ավտոմեքենայի վառելանյութը` բենզինը հանել և պահել է զորամասի տարածքում, այնուհետև գաղտնի դուրս հանել զորամասից՝ պետությանը պատճառելով զգալի չափի նյութական վնաս
Արամայիս Ստեփանյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը
