«Սալյուտը»՝ ներսից
Որքան մոտենում է Վիլնյուսում Եվրամիության հետ Ասոցացման համաձայանագրի նախաստորագրման ժամկետը՝ նոյեմբերը, այնքան ավելի ակտիվանում են ռուսական իշխանությունների փորձերը՝ Հայաստանին եվրաինտեգրումից հետ պահելու ուղղությամբ: Հայաստանի վրա ճնշման հիմնական զենքը, անշուշտ, Ռուսաստանում ապրող մեր հայրենակիցներն են:
Սակայն մինչ այդ ռուսական կողմը փորձելու է Հայաստանին ճնշել ներսից: 168.am-ի տեղեկություններով, օգոստոսի 30-ին Հայաստանում Ռուսաստանի դեսպանի մոտ են հրավիրվել Հայաստանում ռուսական կապիտալով աշխատող բոլոր ձեռնարկությունների ղեկավարները, որոնց հատուկ հանձնարարություն է տրվելու խոչընդոտել Հայաստանի եվրոպական ընտրությանը: Իսկ «Եվրասիական ինտեգրացիա» ժողովրդական նախաձեռնությունը պետք է ոտքի հանի հայ հասարակությանը` ցույց տալու համար, որ հայ հանրության ճնշող մեծամասնությունը կողմ է եվրասիական ինտեգրմանը:
