Սիրիայի նախագահը վեց նոր նախարար է նշանակել. SANA
Սիրիայի նախագահ Բաշար Ասադը կադրային փոփոխություններ է կատարել կառավարությունում` նշանակելով վեց նոր նախարար, հինգշաբթի հաղորդել է սիրիական SANA գործակալությունը:
Փոփոխությունները հիմնականում վերաբերել են տնտեսական բլոկին: Փոխվել են էկոնոմիկայի եւ արտաքին առեւտրի, արդյունաբերության, ներքին առեւտրի, զբոսաշրջության եւ բարձրագույն կրթության նախարարները: Բացի այդ, կառավարությունում առանց պորտֆելի մեկ նոր նախարար է նշանակվել :
Կառավարությունում փոփոխությունների պատճառները չեն նշվում:
