Մոսկվայում ներգաղթյալների վրանային ճամբարը լիկվիդացվել է
Մոսկովյան Գոլյանովո շրջանում գտնվող ներգաղթյալների ժամանակավոր ճամբարը լիկվիդացվել է, «РИА Новости»-ին ասել են Մոսկվայի քաղաքապետարանի մամուլի ծառայությունից:
«Օտարերկրյա քաղաքացիների մի մասն արտաքսվել է, մնացած 234 ներգաղթյալները տեղափոխվել են Սեվերնի բնակավայրում գտնվող օտարերկրացիների համար նախատեսված կենտրոն»,-ասել է գործակալության զրուցակիցը:
Նա ավելացրել է, որ ներգաղթյալների փոխադրումը կարագացնի տվյալների բազաների ճշգրտումների եւ արտաքսման փաստաթղթերի ձեւակերման գործընթացը:
