Երկրաշարժ` Իրան-Հայաստան սահմանային գոտում
Օգոստոսի 18-ին, ժամը 18.33-ին «ՍՊԾ» պատասխանատու հերթապահը հաղորդել է, որ տեղական ժամանակով ժամը 18.14-ին Իրան-Հայաստան սահմանային գոտում՝ Մեղրի քաղաքից 12 կմ դեպի հարավ, տեղի է ունեցել 2.8 մագնիտուդով երկրաշարժ, որի ուժգնությունը էպիկենտրոնային գոտում կազմել է 4 բալ, հիպոկենտրոնը գտնվել է 10 կմ խորության վրա: Այս մասին հայտնում է Արտակարգ իրավիճակների նախարարությունը:
Էպիկենտրոնի աշխարհագրական կոորդինատներն են հյուսիսային լայնության 38.820 և արևելյան երկայնության 46.200: Երկրաշարժին նախորդել է 2.4 մագնիտուդով նախացնցում: Երկրաշարժը զգացվել է Ագարակ և Մեղրի քաղաքներում՝ 3-4 բալ ուժգնությամբ:
