Խոշոր հրդեհ «Արզնի» հանքային ջրերի գործարանի մոտակայքում (լրացված, ֆոտոշարք)
Օգոստոսի 17-ին, ժամը 07.15-ին ահազանգ է ստացվել, որ հրդեհ է բռնկվել «Արզնի» հանքային ջրերի գործարանի մոտակայքում գտնվող փայտի արտադրամասի տանիքում:
Դեպքի վայր է մեկնել երեք մարտական հաշվարկ:
Ժամը 07.33-ին հաստատվել է հրդեհի բարդության «Բիս-1» կանչ: Դեպքի վայր է մեկնել երկու մարտական հաշվարկ և ՃԿԿ ԱԻ արձագանքման խումբը:
Ժամը 07.40-ին հաստատվել է հրդեհի բարդության 2-րդ կանչ: Դեպքի վայր է մեկնել մեկ մարտական հաշվարկ, 2 ավտոսանդուղք և ՃԿԿ օպերատիվ խումբը:
Հրդեհաշիջման աշխատանքներին մասնակցել է քաղաքապետարանի 2 ջրատար:
Հրդեհը մեկուսացվել է ժամը 08.30-ին, մարվել՝ 08.58-ին: Այրվել է Գ. Ա.-ին պատկանող երկհարկանի շինության տանիքը` 200 քմ, փլուզվել է բաղդադե առաստաղից 50 քմ հատված, շինության 2-րդ հարկում` Ա. Մ.-ին պատկանող կահույքի արտադրամասում (150 քմ), այրվել է շինանյութ, ջերմահարվել գործիքներ:
