Հարևանուհին 84-ամյա կնոջ տանից գողություն է կատարել
Օգոստոսի 15-ին, ժամը 13.20-ին, ոստիկանության հերթապահ մասից ոստիկանության Թումանյանի բաժնում հաղորդում է ստացվել, որ իրենց է զանգահարել 84-ամյա մի կին և հայտնել, որ իր տնից գումար և ոսկի են գողացել: Նույն օրը, ժամը 14.00-ին, կինը հրավիրվել է բաժին և հաղորդում տվել, որ ս/թ մարտին, հարևանուհին` 1984 թ. ծնված Ռոզա Գ.-ն, գտնվելով իր տանը և օգտվելով իր անուշադրությունից, տնից գողացել է դստեր դրամապանակը, որի մեջ եղել է 110.000 դրամ և ոսկյա շղթա: Ռոզա Գ.-ն մի քանի օր անց 70.000 դրամը և ոսկյա շղթան վերադարձրել է, իսկ 40.000 դրամը չի վերադարձրել: Ձեռնարկվում են միջոցառումներ Ռոզա Գ.-ին հայտնաբերելու ուղղությամբ: Կատարվում է հետաքննություն:
