Արդարադատության խորհուրդը դիմել է ՀՀ նախագահին՝ դատավոր Ասատրյանի լիազորությունները դադարեցնելու համար
Արդարադատության խորհուրդը դիմել է ՀՀ նախագահին՝ Գեղարքունիքի մարզի ընդհանուր իրավասության առաջին ատյանի դատարանի դատավոր Սամվել Ասատրյանի լիազորությունները դադարեցնելու համար։
Արդարադատության խորհուրդն այս որոշումը պատճառաբանել է դատավորի պաշտոնավարման տարիքը լրանալու հանգամանքով։ Հիշեցնենք, որ օրեր առաջ Նախագահի հրամանագրով դադարեցվել էր նաեւ Սյունիքի մարզի ընդհանուր իրավասության առաջին ատյանի դատարանի դատավոր Համլետ Դավթյանի լիազորությունները, ինչն էլ պատճառաբանվում էր առողջական խնդիրներով։
