Սանկտ Պետերբուրգի Chaos Constructions ցուցահանդեսում կներկայացվեն հին համակարգիչներ
Ավելի քան կես դար հնություն ունեցող համակարգիչները և խաղային գործիքները հնարավոր կլինի տեսնել Chaos Constructions ավանդական ցուցահանդեսի ժամանակ, որը տեղի կունենա Պետերբուրգում այս հանգստյան օրերին: Այս մասին հայտնել են միջոցառման կազմակերպիչները:
«Ցուցահանդեսի ժամանակ կարելի է դիտել այնպիսի լեգենդար համակարգիչներ, ինչպիսիք են` Amiga-ն, ZX Spectrum-ը Commodore 64-ը, Enterpise 128-ը և БК-0011-ը»,- հայտնել են կազմակերպիչները` նշելով, որ ցուցահանդեսի ժամանակ հնարավոր կլինի ոչ միայն տեսնել, այլ նաև խաղալ 80-ականներին ստեղծված խաղերը: Միջոցառման ժամանակ կներկայացվի նաև հաք-տարածք, որտեղ կներկայացվեն իրական «լրտեսական» պատմություններ:
Հեղինակավոր մասնագետների օգնությամբ փառատոնի ժամանակ կանցկացվեն նաև ավանդական Chaos Constructions սեմինարները, որտեղ իրենց գործի պրոֆեսիոնալները կպատասխանեն այցելուների` տեղեկատվական տեխնոլոգիաների ոլորտի արդյունաբերության վերաբերյալ հարցերին:
Միջոցառման ժամանակ կներկայացվեն նաև 8-բիտանոց երաժշտություն, համակարգչային արվեստագետների նկարները և այլն:
