Ի՞նչ սպասել Հայկոյից ու Մկոյից նոր եթերաշրջանում

ArmStar.am-ը արդեն պատմել է  «Sharm Pictures»  ընկերության նոր ֆիլմի մասին, որի գլխավոր դերերից մեկը ստանձնել է Մկրտիչ Արզումանյանը, նույն ինքը Մկոն: Չնայած զբաղվածությանը՝ Մկոն ու Հայկոն պատրաստվում են նաև նոր եթերաշրջանի:

Խոսելով «Կարգին սերիալի» մասին, որն արդեն մեծ հեռուստալսարան ուներ Մկոն նշել է. «Մենք որոշեցինք դադարեցնել, որովհետև ճիշտ ժամանակին դադարեցնելը շատ կարևոր է: Հաշվի առանք նաև սցենարիստների կարծիքը, ովքեր մտավախություն հայտնեցին, որ այն չի զարգանա այնքան, որ մի եթերաշրջան տևի»:

Տղաները աշխատում են նոր ձևաչափի վրա, որը կրկին հումորային է լինելու. «Մի քանի նախագծեր կան,  որոնց վրա աշխատում ենք և մշակելուց հետո կհասկանանք, որն ավելի լավ կլնի և այն էլ կգնա եթեր»:

«Նոր նախագծերի վրա ենք հիմա զուգահեռ աշխատում, բայց դեռ  կոնկրետ չգիտենք ինչ կլինի և երբ կլինի»,- ArmStar.am-ի հետ զրույցում նշել է Մկոն:

Ինչպես Մկոն է նշել,  հնարավոր է լինեն մի քանի հաղորդումներ իրենց մասնակցությամբ, որոնք կհեռարձակվեն «Արմենիա» հեռուստաընկերությամբ:

Հայկոյի և Մկոյի նախագծերում ֆիլմ էլ կա, որը, չնայած այս տարի չեն հասցնի, բայց մյուս տարի կսկեն նկարահանումները:

Զրուցեց՝ Սիրանուշ Գրիգորյանը ArmStar.am