Աֆրիկյան ժանտախտ՝ Տավուշում. մամուլ
«Առավոտ» օրաթերթը գրում է. «Հուլիսի 14-ից մինչ այժմ Տավուշի մարզի Իջևանի տարածաշրջանի սահմանամերձ Վազաշեն գյուղում սատկել է թվով 156 տարբեր քաշի, տարիքի և սեռի խոզ:
Վազաշենի գյուղապետ Լորիկ Բադիրյանից տեղեկացանք, որ գյուղում խոզերի անկումը շարունակվում է: Գյուղապետն ասաց. «Հուլիսի 19-ին ինձ պաշտոնապես հայտնել են, որ խոզերի անկման պատճառն աֆրիկյան ժանտախտ հիվանդությունն է: Եթե մինչ այդ անկված խոզերը թաղում էին տարբեր տեղերում՝ սեփական հողամասում կամ այլ տեղ, դրանից հետո խոզերի թաղումը այդ նպատակով հատուկ վայրում է կատարվում, իրականացվել են ախտահանման աշխատանքներ»»:
