Ջուլիան Ասանժն Ավստրալիայում հիմնել է Wikileaks կուսակցությունը
Wikileaks կայքի հիմնադիր Ջուլիան Ասանժն այսօր իսկապես դարձել է քաղաքական գործիչ: Նա հայտարարել է Wikileaks կուսակցության ստեղծման մասին: Ասանժը պատրաստվում է մասնակցել սեպտեմբերին Ավստրալիայում կայանալիք խորհրդարանական ընտրություններին:
Չի բացառվում, որ նման եղանակով նա ձգտում է դուրս պրծնել Լոնդոնում գտնվող Էկվադորի դեսպանատնից, ուր արդեն մեկ տարի է, ինչ նա թաքնվում է ԱՄՆ-ի վրեժխնդրությունից՝ իր մերկացնող գործունեության համար:
Ասանժը վստահ է, որ նորաստեղծ կուսակցությունը կարող է առնվազն 7 թեկնածու առաջադրել Նոր Հարավային Ուելս, Վիկտորիա ու Արևմտյան Ավստրալիա նահանգների սենատի ընտրություններում: Ավստրալիայում խորհրդարանական ընտրությունները կայանալու են այս տարվա սեպտեմբերի 14-ին:
