Իլհամ Ալիևը չի մասնակցի Հասան Ռոուհանիի երդմնակալությանը
Haqqin.az-ի փոխանցմամբ՝ Ադրբեջանի խորհրդարանի նախագահ Օկտայ Ասադովը գլխավորելու է ադրբեջանական պատվիրակութունը, որը կմասնակցի Իրանի նորընտիր նախագահ Հասան Ռոուհանիի երդմնակալությանը:
Ռոուհանիի երդմնակալությունը տեղի է ունենալու օգոստոսի 3-ին: Դրանում Ադրբեջանը կներկայացնի խորհրդարանի նախագահը:
Լրատվամիջոցն ուշադրություն է հրավիրում նրա վրա, որ նորընտիր նախագահի երդմնակալությանը մասնակցելու վերաբերյալ Իրանից հրավեր է ստացվել Ադրբեջանի նախագահ Իլհամ Ալիևի անունով:
Հիշեցնենք, որ Իրանի ԱԳՆ-ի մամլո քարտուղար Աբբաս Արաղչին հայտարարել է, թե Ռոուհանիի երդմնակալությանը մասնակցելու հրավերներ են ուղարկվել բոլոր երկրների ղեկավարներին՝բացառությամբ ԱՄՆ-ի ու Իսրայելի:
