Բելգիայի պաշտպանության նախարարը կարող է դառնալ ՆԱՏՕ-ի գլխավոր քարտուղար
EUractiv ինտերնետային պորտալի փոխանցմամբ՝ Բելգիայի պաշտպանության նախարար Փիթեր դե Քրեմը կարող է ՆԱՏՕ-ի գլխավոր քարտուղարի պաշտոնում փոխարինել Անդերս Ֆոգ Ռասմուսենին:
Գլխավոր քարտուղարի պաշտոնում Ռասմուսենի մանդատը լրանում է 2014 թվականի հուլիսին: Պորտալի տվյալներով՝ ամենահավանական թեկնածու է համարվում Բելգիայի պաշտպանության նախարարը:
Ինչ վերաբերում է Ռասմուսեին, ապա նա կարող է մանդատի լրանալուց հետո զբաղեցնել Եվրոպական խորհրդի ղեկավարի պաշտոնը՝ փոխարինելով բելգիացի Հերման վան Ռոմպեյին: EUractiv-ի վերլուծաբանները չեն բացառում նաև, որ Ռասմուսենը կարող է փոխարինել ԵՄ-ի դիվանագիտության ղեկավար Քեթրին Էշթոնին:
