Տարոն Մարգարյանն այսօր հանդես կգա հայտարարությամբ
Այսօր ՀՀ կառավարության նիստում վարչապետ Տիգրան Սարգսյանն անդրադարձավ հասարակական տրանսպորտի թանկացման հետ կապված վերջին օրերին քաղաքացիական ակտիվիստների, ուսանողների նախաձեռնած ակցիաներին:
Տ.Սարգսյանի դիտարկմամբ՝ շարժումն ունի սոցիալական բնույթ, որն էլ պայմանավորված է քաղաքապետի որոշմամբ: Նա շեշտեց, որ այսուհետ որոշումներ կայացնելիս կառավարությունը պարտավոր է հաշվի առնել քաղաքացիական հասարակության կարծիքը:
Միաժամանակ, վարչապետը կարևորեց նաև ՏԻՄ-երի անկախությունը՝ նկատելով, որ Երևանում հասարակական տրանսպորտի հետ կապված հարցերը քաղաքապետարանի ենթակայության ներքո են:
Նիստի ժամանակ Երևանի փոխքաղաքապետ Կամո Արեյանը հայտարարեց, որ քաղաքապետ Տարոն Մարգարյանը հետևում է ծավալվող իրադարձություններին և այսօր հանդես կգա հայտարարությամբ:
