Իլհամ Ալիևը հաստատել է Ադրբեջանի ՊՆ-ի ու ԱՄՆ Եվրոպական հրամանատարության միջև համագործակցության պլանը
Ռուսական Regnum լրատվական գործակալության փոխանցմամբ՝ Ադրբեջանի նախագահ Իլհամ Ալիևը հաստատել է «Ադրբեջանի Հանրապետության պաշտպանության նախարարության և ԱՄՆ Եվրոպական հրամանատարության միջև ռազմական համագործակցության 2013 թվականի աշխատանքային պլանը»:
Վերջինս ստորագրվել է այս տարվա ապրիլի 25-ին Բաքվում և հունիսի 7-ին Շտուտգարտում: Այս մասին հայտնել է Ալիևի մամլո ծառայությունը: Վերջինիս հաղորդմամբ՝ այդ հրամանով Պաշտպանության նախարարությանը հանձնարարվել է ապահովել Աշխատանքային պլանի կետերի իրագործումը:
Ադրբեջանի ՆԳՆ-ն էլ պետք է ԱՄՆ-ին իրազեկի անհրաժեշտ ներպետական ընթացակարգերի իրագործման մասին, որպեսզի Աշխատանքային պլանը մտնի ուժի մեջ:
