Մենք թույլ չենք տա, որ մի շարք ուժեր զրպարտեն թուրքական ոստիկանությանը. Էրդողան
Թուրքական Anadolu լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը հայտարարել է, որ արտաքին ուժերն ու մի շարք ԶԼՄ-ներ «քարոզչություն են իրականացնում» ընդդեմ թուրքական ոստիկանության.
«Ոստիկանությունը «Թաքսիմ» հրապարակի իրադարձությունների ժամանակ չի թույլատրել բռնությունների տարածում: «Թաքսիմ» հրապարակի իրադարձությունների ժամանակ հենց ոստիկանության դեմ է ուժ կիրառվել ցուցարարների կողմից:
Մենք թույլ չենք տա, որ մի շարք ուժեր զրպարտեն թուրքական ոստիկանությանը»:
Մայիսի վերջին Թուրքիայում մեկնարկած և երեք շաբաթ տևած բողոքի ակցիաների հետևանքով տարբեր աստիճանի մարմնական վնասվածքներ է ստացել մոտ 4000 մարդ, զոհվել է 5 մարդ, իսկ ոստիկանության կողմից ձերբակալվել է 4900 մարդ:
