Սաակաշվիլին հեռախոսազրույց է ունեցել Էրդողանի հետ
Грузия Online -ի փոխանցմամբ՝ Վրաստանի նախագահ Միխեիլ Սաակաշվիլին այսօր հեռախոսազրույց է ունեցել Թուրքիայի վարչապետ Ռեջեփ Էրդողանի հետ: Այս մասին եվրապատգամավորների հետ հանդիպումից հետո լրագրողների հետ ունեցած զրույցի ժամանակ հայտարարել է հենց ինքը՝ Սաակաշվիլին:
Վերջինիս խոսքերով՝ հեռախոսազրույցի ժամանակ իրենք պայմանավորվել են, որ առաջին հերթին անհրաժեշտ է մինչև իրավական հարցերը կարգավորումը թույլատրել վրացի փորձագետների մուտքը Թուրքիայի տարածքում գտնվող Իշխանիի վանք՝ տեղում վերականգնողական աշխատանքներ կատարելու համար:
Սաակաշվիլին հավելել է, որ Մշակույթի նախարարությանն իրազեկել է, որ անհրաժեշտ է ավելի ակտիվ աշխատանքներ տանել իրավաբանական ձևերի որոնման ուղղությամբ: Սաակաշվիլիի խոսքերով՝ հեռախոսազրույցի ժամանակ Էրդողանը ցուցաբերել է բավական կառուցողական ու բաց դիրքորոշում:
