Թուրքական հետախուզությունը բացահայտել է PKK-ի «Գեզի» պլանը. Star
Թուրքական Star թերթի փոխանցմամբ՝ բացահայտվել է «Քրդստանի աշխատավորական» կուսակցության (PKK) «Գեզի» պլանը, որը թերթը որակել է որպես «նենգ»: Հետախուզական տվյալները վկայել են, որ PKK-ն պատրաստվում է Ռամադանի ավարտից հետո ոտքի հանել ժողովրդին:
Նշվում է, որ PKK-ի համար հարմար պահ է հանդիսացել հասարակական կազմակերպությունների կողմից «Գեզի» այգու ծառահատման դեմ մարդկանց փողոց դուրս բերելը:
Այժմ PKK-ն մտադիր է նման կերպ ոտքի հանել տարածաշրջանի ժողովրդին, իսկ առաջիկա բողոքի ակցիաների ժամանակ անվտանգության ուժերի դեմ կիրառել ինքնաշեն պայթուցիկներ և Մոլոտովյան կոկտեյլներ: PKK-ն մտադրվել է դրանով իսկ հարուցել անվտանգության ուժերի զինված միջամտություն:
