Հայաստանի ու Ադրբեջանի քրդերը մասնակցելու են Օջալանի նախաձեռնած Քրդական ազգային կոնֆերանսին
Թուրքական Star թերթի փոխանցմամբ՝ Հյուսիսային Իրաքում տեղի է ունենալու Քրդական ազգային կոնֆերանս՝ կապված «Քրդական հարցի» կարգավորման հետ: Ներկայումս ընթանում են դրա նախապատրաստական աշխատանքները:
Կոնֆերանսը նախաձեռնել է քուրդ առաջնորդ Աբդուլլահ Օջալանը, այն հավանության է արժանացել Թուրքիայի վարչապետ Ռեջեփ Էրդողանի կառավարության կողմից:
Կոնֆերանսի նախապատրաստական աշխատանքներն արագացնելու նպատակով Թուրքիայից Հյուսիսային Իրաք է մեկնել 18 հոգանոց քրդական պատվիրակությունը: Դրանում ընդգրկվել են նաև քրդական «Խաղաղություն և ժողովրդավարություն» կուսակցության (ԽԺԿ) նախագահ Սելահաթթին Դեմիրթաշն ու Դեմոկրատական հասարակարգ կոնգրեսի համանախագահ Ահմեթ Թուրքը:
Կոնֆերանսին մասնակցելու են ավելի քան 200 քրդեր Թուրքիայից, Իրաքից, Սիրիայից, Եվրոպայից, ԱՄՆ-ից, Իրանից Ռուսաստանից, Հայաստանից ու Ադրբեջանից: Կոնֆերանսը պլանավորվել էր դեռևս հունիսին, սակայն այն ժամանակ այն հետաձգվել էր:
