Վլադիմիր Պուտինն Ադրբեջան կայցելի օգոստոսի կեսին. աղբյուր
Новости-Азербайджан լրատվական գործակալությունը, վկայակոչելով իր աղբյուրները, հայտնել է, որ սպասվում է Ռուսաստանի նախագահ Վլադիմիր Պուտինի պաշտոնական այցը Ադրբեջան:
Աղբյուրի պնդմամբ՝ Պուտինի ադրբեջանական այցը տեղի է ունենալու հաջորդ ամսվա երկրորդ տասնօրյակին՝ ենթադրաբար օգոստոսի 12-13-ին: Աղբյուրը հավելել է, որ ներկայումս աշխատանքներ են տարվում այդ այցի ծրագրի կազմման ուղղությամբ:
Նշվում է, որ Պուտինն ու Ադրբեջանի նախագահ Իլհամ Ալիևը հեռախոսազրույց են ունեցել հուլիսի 3-ին: Ալիևի խոսքերով՝ այդ հեռախոսազրույցի ժամանակ իրենք քննարկել են երկու երկրների փոխհարաբերությունների հեռանկարները:
