Այս տարվա առաջին կիսամյակին նվազել է Վրաստանի արտաքին առևտրի շրջանառության ծավալը
Business Грузия-ի փոխանցմամբ՝ 2013 թվականի հունվար-հունիս ամիսներին (առաջին կիսամյակին) Վրաստանի արտաքին առևտրային շրջանառությունը (նախնական տվյալներով) կազմել է 4713 միլիոն դոլար: Դա 3 տոկոսով ավելի պակաս է՝ համեմատած նախորդ տարվա հաշվետու ժամանակահատվածի հետ:
Միևնույն ժամանակահատվածում արտահանումը կազմել է 1236 միլիոն դոլար (9 տոկոսանոց աճ), իսկ ներկրումը՝ 3477 միլիոն դոլար (7 տոկոսանոց անկում): Առևտրային բացասական հաշվեկշիռը կազմել է 2241 միլիոն դոլար, ինչը կազմել է ընդհանուր ապրանքաշրջանառության 48 տոկոսը:
Արտաքին առևտրային շրջանառության մասին ճշգրտված տվյալները հրապարակվելու են ընթացիկ տարվա հուլիսի 24-ին:
