Հնդկաստանում դպրոցական սննդից թունավորվելու հետևանքով մահացել է 20 երեխա
NDTV հեռուստաալիքի փոխանցմամբ՝ Հնդկաստանի Բիհար նահանգում դպրոցական սննդից թունավորվելու հետևանքով մահացել է 20 երեխա: Նրանց մեծ մասի տարիքը եղել է 10 տարեկանից էլ ցածր:
Եվս 35 մարդ գտնվում է հիվանդանոցում: Hindustan Times-ի տվյալներով էլ հոսպիտալացվել է 27 մարդ: Նրանց թվում է նաև դպրոցի խոհարարը: Բժիշկները շարունակում են պայքարել հոսպիտալացվածների կյանքը փրկելու ուղղությամբ, ինչը շատ դժվար է:
Դեռ հայտնի չէ, թե ինչ նյութ է հայտնվել սննդի մեջ, որն էլ պատճառ է դարձել զանգվածային թունավորման համար: Նահանգի իշխանությունները խոստացել են զոհվածների ընտանիքներին հատկացնել 200.000 ռուփի փոխհատուցում:
