«Էյր Արաբիա» ավիաընկերության չվերթները Երևանից
Այսօր՝ հուլիսի 16–ին, պաշտոնապես մեկնարկել են «Էյր Արաբիա» ավիաընկերության չվերթները: Ընկերության Կորպորատիվ հաղորդակցությունների և Հաճախորդների հետ հարաբերությունների ստորաբաժանման կառավարիչ Հուսամ Րայդանը լրագրողների հետ հանդիպման ժամանակ նշել է, որ չվերթները կիրականացվեն Շարժայի Միջազգային Օդանավակայանից երեքշաբթի և ուրբաթ օրերին, ժամը՝ 8:30–ին, Զվարթնոց Միջազգային Օդանավակայան ժամանելով 11:15–ին։ Հետադարձ չվերթները կիրականացվեն նույն օրերին` Երևանից մեկնելով 12:35 և Շարժա ժամանելով 15:40։ Նա նաև տեղեկացրել է, որ մինչև օգոստոսի 30-ը Երևան-Շարժա-Երևան հետադարձ չվերթի արժեքը կկազմի 175 ԱՄՆ դոլարին համարժեք ՀՀ դրամ:
