Գյումրիում դիակը ժամերով անտեսված է մնացել (տեսանյութ)
tsayg.am-ի փոխանցմամբ՝ այսօր ժամը 12:30-ի սահմաններում դիակ է հայտնաբերվել Գյումրի Ավտոկայան տանող ճանապարհահատվածի մայթեզրին: Բնակիչներն ահազանգել են համապատասխան կառույցներին: Պարզվել է մահացածի ինքնությունը. 57-ամյա Սուրեն Վիրաբյանն ապրում էր Ավտոկայանին հարակից թաղամասում:
Ըստ հարազատների, Վիրաբյանն ունեցել է սիրտ-անոթային անբավարարություն և դա էլ եղել է մահվան պատճառ: Դեպքի վայրում եղել են ոստիկանության աշխատակիցները, սակայն, ինչպես նշում են ականատեսները, նրանց այցից մի քանի ժամ անց էլ դիակը դեռ նշված վայրում էր՝ բոլորի աչքի առաջ:
