Վրաստանը պլանավորել է նոր էլեկտրահաղորդագիծ կառուցել դեպի Ռուսաստան
Business Грузия-ի փոխանցմամբ՝ պլանավորված է Վրաստանից Ռուսաստան կառուցել 500 կիլովոլտանոց նոր էլեկտրահաղորդագիծ: Այս մասին լրագրողների հետ զրույցում հայտարարել է Վրաստանի պետական էլեկտրոհամակարգերի կառավարման խորհրդի նախագահ Սուլհան Զումբուրիձեն:
Վերջինիս խոսքերով՝ դեռ հստակեցված չէ ենթակայանի կառուցման վայրը, որով կանցնի տվյալ էլեկլտրահաղորդագիծը: Զումբուրիձեն հավելել է, որ նոր էլեկտրահաղորդագծի կառուցման գլխավոր առաջադրանքներից մեկը Ռուսաստանի հետ ավելի սերտ կապերի հաստատումն է:
Զումբուրիձեն ենթադրել է, որ նոր էլեկտրահաղորդագիծը շահագործման կհանձնվի 2017 թվականին: Նախագծի իրագործումն արժենալու է մոտ 50 միլիոն դոլար:
