Ահմեթ Դավութօղլուն այսօր ժամանում է Բաքու. APA
Ադրբեջանական APA լրատվական գործակալության փոխանցմամբ՝ Թուրքիայի արտգործնախարար Ահմեթ Դավութօղլուն այսօր ժամանելու է Ադրբեջան: Այս մասին գործակալությանը հայտնել են դիվանագիտական աղբյուրները:
Վերջիններիս հաղորդմամբ՝ պլանավորված է, որ Դավութօղլուն հանդիպելու է Ադրբեջանի արտգործնախարար Էլմար Մամեդյարովի հետ, ինչպես նաև Բաքվում անցկացնելու է մի շարք հանդիպումներ պաշտոնատար անձանց հետ:
Դավութօղլուի ադրբեջանական այցն ավարտվելու է վաղը:
