Իսրայելը փորձել է Սիրիայում ոչնչացնել ռուսական հականավային հրթիռների պահեստը. CNN
CNN հեռուստաալիքի փոխանցմամբ՝ իսրայելական զորքերը հուլիսի 5-ին մի շարք հարվածներ են հասցրել Սիրիայի Լաթաքիա նավահանգստին՝ հուսով լինելով ոչնչացնել ռուսական Яхонт հականավային հրթիռների պաշարները: Այս մասին հեռուստաալիքին հայտնել են ԱՄՆ կառավարությունում եղած երեք միմյանցից անկախ աղբյուրները:
Նշվում է, որ ոչ ոք չի ստանձնել մեկ շաբաթ առաջ Լաթաքիայում տեղի ունեցած գիշերային պայթյունների պատասխանատվությունը: ԱՄՆ պաշտոնատար անձինք անանունության պայմաններում հեռուստաալիքին հայտնել են, որ այդ հարվածի պատասխանատուն Իսրայելն է, ով փորձել է վնասազերծել ռուսական արտադրության հրթիռները:
CNN-ի ամերիկյան աղբյուրները հայտնել են, որ այդ հրթիռները կարող են սպառնալիք հանդիսանալ իսրայելական նավատորմի համար: Ամերիկացի զինվորականները կարծում են, որ շարունակվում են ռուսական զինվորական մատակարարումները Սիրիային:
