Volvo-ն ներկայացրել է ինքնուրույն կայանել կարողացող ավտոմեքենա (տեսանյութ)
Ռուսական Rosbalt լրատվական գործակալության փոխանցմամբ՝ Volvo ընկերությունը շարունակում է աշխատանքներ տանել ինքնաղեկավարվող ավտոմեքենայի ստեղծման ուղղությամբ: Մեքենան շուկայում կարող է հայտնվել արդեն 2014 թվականին:
Այդպիսի գլոբալ աշխատանքը պահանջում է «ինտելեկտով օժտված» Volvo XC90 ավտոմեքենայի աշխատանքի սկզբունքային նոր սխեման: Իսկ այժմ ընկերությունը ներկայացրել է ավտոմեքենայի կոնցեպտուալ մոդելը, որն ունակ է ավտոմատ ռեժիմով կայանել:
Ընդ որում, ավտոմեքենան հագեցվել է կայանելու համար հարմարավետ վայր փնտրելու, ինչպես նաև այդ գործընթացի ժամանակ մյուս մեքենաների ու մարդկանց դիրքը հաշվի առնելու ունակությամբ:
