ՌԴ քաղաքացին Թալինի ճանապարհին Nissan Murano-ով գլորվել է ձորը. ընտանիքի անդամները տեղափոխվել են հիվանդանոց
Այսօր՝ հունիսի 19-ին, ավտովթար է տեղի ունեցել Շիրակի մարզում: Ժամը 05:00-ի սահմաններում ՌԴ քաղաքացի, Սամարա մարզի Տոլյատի քաղաքի բնակիչ, 45-ամյա Արամ Խաչատրյանը, վարելով Nissan Murano մակնիշի C 960 ВХ համարանիշի ավտոմեքենան, Երևան-Գյումրի ավտոճանապարհի 84 կմ հատվածում՝ դեպի Երևան ընթանալիս, ավտոմեքենայով դուրս է եկել ճանապարհի երթևեկելի գոտուց և գլխի վրա շրջվելով՝ հայտնվել ձորակում: Ինչպես վթարի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդը Ա. Խաչատրյանն ու ուղևորներ՝ ՌԴ քաղաքացիներ, 1-ամյա Աննա Խաչատրյանը և 3-ամյա Վանո Խաչատրյանը մարմնական վնասվածքներով տեղափոխվել են Թալինի բժշկական կենտրոն: Վթարի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի աշխատակիցները՝ վաշտի հրամանատարի տեղակալ Սուքիաս Գրիգորյանի գլխավորությամբ: Տեղում էին նաև ոստիկանության Թալինի բաժնի օպերատիվ խումբը՝ բաժնի պետի ծառայության գծով տեղակալ Ա. Խաչատրյանի գլխավորությամբ: Փաստի առթիվ Ոստիկանության քննչական գլխավոր վարչության Արագածոտնի մարզի քննչական բաժնի Թալինի քննչական բաժանմունքում քննիչ Հ. Նիկողոսյանի կողմից նյութեր են նախապատրաստվում:
Լուսանկարը՝ Գագիկ Շամշյանի
