Խոսել են «Բագրատաշեն» և «Սադախլո» անցակետերի մասին
ՀՀ ֆինանսների նախարար Դավիթ Սարգսյանը հունիսի 18-ին ընդունել է ՄԱԿ-ի մշտական համակարգող, ՄԱԿ-ի Զարգացման ծրագրի (UNDP) մշտական ներկայացուցիչ Բրեդլի Բուզետտոյին:
Հանդիպման ընթացքում քննարկվեցին ֆինանսական ոլորտում համագործակցության հնարավոր ուղղություններն ու երկուստեք հետաքրքրություն ներկայացնող հարցեր:
Զրուցակիցները մասնավորապես անդրադարձան «Բագրատաշեն» և «Սադախլո» անցման կետերին սարքավորումներ տրամադրելու և անցակետերի կարողությունները զարգացնելու, ինչպես նաև դրամաշնորհային` Բագրատաշենի, Բավրայի ու Գոգավանի սահմանային անցակետերն արդիականացնելու ծրագրերին: Այս երկու նախագծերը նպատակ ունեն բարելավել սահմանային անցակետերի կառավարման գործընթացը` ներդնելով կառավարման համալիր համակարգեր եւ հեշտացնելով սահմանը հատելու գործընթացը:
