Ադրբեջանում նախագահական ընտրություններին մասնակցելու իրավունք ունի մոտ 5 միլիոն մարդ
Ադրբեջանական APA լրատվական գործակալության փոխանցմամբ՝ այս տարվա հոկտեմբերին Ադրբեջանում կայանալիք նախագահական ընտրություններին կարող է մասնակցել 4.986.296 մարդ: Այս մասին հայտարարել է Ադրբեջանի ԿԸՀ-ի նախագահ Մազախիր Պանախովը:
Վերջինիս խոսքերով՝ մոտ 114.000 մարդ առաջին անգամ է իրավունք ստացել մասնակցելու քվեարկությանը: Ամենատարեց ընտրողը 124 տարեկան է: Խոսքը 1889 թվականին ծնված Դադաշև Գյոզալ Ալիգըզըն է: Պանախովն ընդգծել է, որ ընտրացուցակների կազմման գործընթացը կավարտվի մայիսին:
