«Արմավիայի» աշխատակիցների աշխատավարձերը կվճարվե՞ն հունիսի 7-ին
Այսօր «Արմավիա» ավիափոխադրող ընկերության նախկին աշխատակիցները բողոքի ակցիա էին կազմակերպել նախագահական նստավայրի, այնուհետև` ընկերության կենտրոնական գրասենյակի դիմաց: Վերջիններս պահանջում էին վճարել իրենց աշխատավարձերի պարտքերը: «Արմավիայի» մամուլի քարտուղար Նանա Ավետիսովան 168.am-ի հետ զրույցում ասաց, որ ընկերության սեփականատեր Միխայիլ Բաղդասարովն ասել է՝ աշխատավարձերը կվճարվեն հունիսի 7-ին:
Անդրադառնալով «Ա1+» հրապարակած այն տեղեկությանը, թե ընկերության հաշվապահությունում աշխատակիցները պարզել են, որ մեկ ժամվա համար նախատեսված աշխատավարձի չափը 4 անգամ քիչ է հաշվարկվել, Նանա Ավետիսովան ասաց, որ դա մեկնաբանել չի կարող:
