Դոլար չի վաճառվել, սակայն փոխարժեքը բարձրացել է
«ՆԱՍԴԱՔՕԷՄԷՔՍ Արմենիա» բորսայում այսօր՝ մայիսի 24-ին ամերիկյան դոլարի առուվաճառքի գործարքներ տեղի չեն ունեցել: Դոլարն առաջարկվել է 416.95 դրամով, սակայն պահանջարկի գինը չի գերազանցել 416 դրամը։
Պահանջարկի գինը զգալիորեն բարձր է բորսայում երեկ ձևավորված միջին փոխարժեքից։ Հիշեցնենք, որ երեկ դոլարի գինը նվազել էր և կազմել 414.56 դրամ։
Կանխիկ արտարժույթի շուկայում դոլարի առքի գինը միջինում կազմում է 415 դրամ, վաճառքինը՝ 418 դրամ:
