Ադրբեջանը բարդություններ չունի Իրանի հետ. Էլմար Մամեդյարով
Ռուսական Независимая газета թերթին տված հարցազրույցի ժամանակ Ադրբեջանի արտգործնախարար Էլմար Մամեդյարովը հայտարարել է, որ Ադրբեջանը բարդություններ չունի Իրանի հետ.
«Ադրբեջանը մշտապես ձգտում է քաղաքականություն վարել՝ ելնելով սեփական ազգային շահերից: Ես չէի ասեի, թե մենք բարդություններ ունենք Իրանի հետ, եթե հաշվի չառնենք իմ իսրայելական այցի ժամանակ որոշ մոլաների արած առանձին հայտարարությունները:
Օրեր առաջ ես հեռախոսազրույց ունեցա իմ իրանցի գործընկեր Ալի Աքբար Սալեհիի հետ, ով ցանկություն հայտնեց Ադրբեջան ժամանել նախքան Իրանի նախագահական ընտրությունների անցկացումը: Օրեր առաջ էլ Իրանում ձերբակալված Ադրբեջանի քաղաքացիներն ազատ արձակվեցին»:
