Երբ «շեյրել» գործարար հրապարակումները. սոցցաների ամենահարմար ժամերը

Յուրաքանչյուր սոցիալական ցանց ունի իր առանձնահատկությունները։ Եթե դուք բլոգն օգտագործում եք գործարար նպատակներով, ապա ճիշտ կլինի իմանալ՝ որո՞նք են ամենահարմար ժամերը՝ Facebook, Twitter, LinkedIn կամ Google+ ցանցերում նյութեր հրապարակելու, կամ ինչպես ասում են, «շեյրելու» համար։
Գործարար տեղեկատվության հրապարակումը սոցիալական ցանցերում վատ գաղափար չէ, մանավանդ եթե հաշվի առնենք, որ բավականին բարձր աշխատավարձ ստացող մարդիկ իրենց աշխատանքային ժամանակի մեծ մասը անցկացնում են ինտերնետում՝ հետևելով իրենց ընկերների հաղորդագրություններին։
Intelligence Office կազմակերպության տվյալներով՝ վարձու աշխատողների 30%-ը օրական առնվազն 1 ժամ անցկացնում է սոցիալական ցանցում։ Հաշվի առնելով, որ ինտերնետը գնալով վերածվում է գնումներ կատարելու համար հարմարավետ գործիքի՝ հավանականությունը, որ ձեր գովազդը ճիշտ թիրախին կհարվածի, մեծանում է։
Social Caffeine կազմակերպությունը վերլուծել է, թե օրվա որ ժամերին է ֆեյսբուքյան լսարանը առավել հակված՝ գործարար բնույթի տեղեկատվությունը ընկալելու համար։