Իրանի նորաբաց քիմիական գործարանում ուժգին պայթյուն է տեղի ունեցել
Իրանական Mehr լրատվական գործակալության փոխանցմամբ՝ այսօր պայթյուն է տեղի ունեցել Իրանի Սպահան նահանգի Yalda քիմիական նոր գործարանում: Պայթյունը գրանցվել է այն բանից հետո, ինչ գործարանը հանձնվել է շահագործման:
Հրդեհի բոցերը տարածվել են ձեռնարկությունից հարյուրավոր մետր հեռավորության վրա: Դեպքի վայր են ժամանել ոստիկանությունն ու հրշեջ ջոկատները:
Նշվում է, որ ներկայումս իրավիճակը գտնվում է հսկողության ներքո: Պայթյունի հետևանքով՝ հնարավոր զոհերի ու վիրավորների մասին դեռ ոչինչ չի հաղորդվում:
