Ստալինն ու Տարոնը. մամուլ
«Երեկ Երևանի Շենգավիթ վարչական շրջանի Արմեն Տիգրանյանի անվան երաժշտական դպրոցում ՀՀԿ-ն ընտրողների հետ հանդիպում է անցկացրել: Սակայն սա սովորական հանդիպում չի եղել, այլ՝ «Ստալինիզմի» ժամանակակից մեկնաբանություն»,- գրում է «Հայկական Ժամանակ» օրաթերթը և շարունակում.
«Հայտնի է, որ ՀՀԿ-ն բյուջետային աշխատողներին՝ աշխատանքից ազատելու սպառնալիքի տակ ստիպում է առաջիկա ընտրություններում ՀՀԿ-ի պոտենցիալ ընտրողների ցուցակ ներկայացնել՝ անուն, հասցե հեռախոս …:
Պարզվում է՝ ՀՀԿ-ն անցել է գործողությունների երկրորդ փուլին. զանգահարում են ցուցակների հեռախոսահամարներով և իբր սոցհարցում են անցկացնում՝ հետաքրքրվում, թե տվյալ մարդը ում է ընտրելու:
Երեկ երաժշտական դպրոց են հրավիրված եղել շենգավիթցի այն ընտրողները, ովքեր հեռախոսով «ճիշտ» պատասխան չեն տվել»:
