ՀԱԿԿ-ն հանրահավաք է անցկացնելու ապրիլի 30-ին
Ապրիլի 30-ին Հայ ազգային կոնգրես կուսակցությունը հանրահավաք է անցկացնելու Ազատության հրապարակում: Այս մասին 168.am-ին ասաց ՀԱԿ ավագանու անդամ Վահագն Խաչատրյանը:
Վերջինս նշեց, որ հանրահավաքին ելույթով հանդես են գալու ՀՀ առաջին նախագահ, ՀԱԿ նախագահ Լևոն Տեր-Պետրոսյանը, կուսակցության շատ անդամներ, ավագանու ցուցակում ընդգրկված գործիչներ:
Հիշեցնենք, որ 168.am-ի հետ զրույցում ՀԱԿ կուսակցության փոխնախագահ, ԱԺ ՀԱԿ խմբակցության պատգամավոր Լևոն Զուրաբյանն օրեր առաջ հայտնել էր, որ կուսակցությունը մտադիր է Երևանում մեծ հանրահավաք անցկացնել:
